بالفيديو : نرمين صفر Nermine Sfar في حالة صحية حرجة بسبب الكاميرا الخفية !

قصة "سُونيا" و الكاميرا الخفية و جماعة ميقالوا مع قناة الخوار التونسي..

اسمعوا المتضررة كيفاش طيشوها و ما سأل عليها حد حتى بكلمة ان شاء الله لاباس هاذم اللي ايقولوا ادارة و عندهم قيم و خطوط حمراء...
سلام وصحة شريبتكم

حبابي وأصحابي وعائلتي هذا رأسي بعد الأكسيدون de travail إلي عملتو وصلت للموت وحمدالله قدر الله ماشاء فعل وحسن اللطف، في تونس هنا الي معندوش الأكتاف و المعارف يموت تحت الحيط ولا حد يعدل عليه
باش نحكيلكم كيفاه صارلي الأكسيدون نمثلو في كميرا كاشى مع ميڨالو على أساس نخدمو في شركة عقارات وتزدم علينا ناس بالسلاح يقتلو الي يخدمو فيها الكل ويسرقو كل شي ويهربو نبقى أنا متخبي ميراونيش بعد نخرج مفجوعة من المنظر إلي باش نراه ناس موتى متيشين نبدا نجري ونعيط براف.......
نهار 5/5/19 عمري ما باش ننساه أنا نجري مطبسى بعدت شوي هزيت رأسي ضربتو في boîte حديد متاع الضوء تحلولي 20 غرزة عيط رأسي رأسي و دم هبطلي على وجهي عهدي بروحي ما فقت كان الحماية المدينة فوق رأسي مفهمت شي جيت ناقف منجمتش ودم يجري موش نورمال المهم جراو بيا للكلينيك عملت hémorragie externe هبطوني للبلوك وعملولي opération وزادوني دم الي صارلي هذا الكل صار وقضاء الله وأنا نمن بقضاء الله وحمدالله على اللطف أما هات الي مبعد
بعد متهناو إلي أنا ممتش لوحوني و ولا علابلهم بية جماعة الحوار التونسي شيهمهم فية ياخي أنا شكون كلبة عندهم واحد منهم يحكي معايا قالي وبرا كان شكيت يخسرو عليك ملايين محامين و ect ومتراش فرنك هكا نعيشو في تونس لا تقولي ثورة لا ديمقراطية القوي ياكل الضعيف وزوالي ميعيشش و مايخوش حقو لا سماح ولا رباح حقي منسلمش فيه كي نموت موش باش يصيرلي اكثر ملي صارلي أنا لتو دم طايحلي وعندي دوخة وأسي يوجع فية حسبي الله ونعمة الوكيل